قصة مبكية لغرقى جده

السلام عليكم

قرأت هذي القصه المبكية , و شعرت بوجوب مشاركتها معكم
و لا نقول الا لاحول و لا قوة الا بالله و انا لله و انا الية راجعون
حسبنا الله و نعم الوكيل
السلام عليكم ورحمه الله وبركاته ..!

فتاه تحكي قصتها مع كارثة جده,,

بداية قصتي مأسأه ونهايتها مأاآسي .

بكل بساطه احكي قصتي ومن القصه بداخلها قصص ..!


قصة كآرثة جدة وضحايآها مع العيد الأضحى العظيم ..

كآنت أمطآر عآتية متلها متل أي منطقة بتجيهآ أمطآر ..
بس قدرة قآدر طلعت هالمرة الأمطآر اقوى مما تخيلنآ ..
وقبل كل شي نعرف ان ربنآ على كل شي قدير ..
صآرت هالكآرثه في صبآح يوم الأربعآء بتآريخ 8/12 / 1430ه

بدآيتهآ غيوم وهوىء بآرد ونظيف ونقي وجو خياآل ..
الكل حب هالجو وحآب يطلع يتمشى متله متل أي شخص فأي بلد ..

واحنا ممن ضمن هالاشخآص وهالناس اللي حبوا الجو ..
وقلنا بنطلع نتمشى مع امي وآبوي واخواني ..
أمي قالت انا بطلع مع ولدي وانتم الحقوني مع ابوكم ..
عشان بتروح قبلنا وتكتشف المكان والاوضاع هي واخوي وخآلآتي قبلنآ ..
فتصل عليها ابوي وسالها عن الجو وقالت مرة روعه وعندنا مطر خفيف عند البحر ..
وانا واخواتي وبنات عمتي فرحنآ بالخبر وقلنا لأبوي يلآ نلحقهم ونكلم خالي وبنات خالي ..
ونشيل فطورنآ معنآ عشان نتونس اكتر واكتر ..
وكنآ مبسوطين مرة مع الجو والسيارات والامطار يعني بصرآحة كآن المنظر روعه ..

ولحقنآ أمي وشفنآها وكانت مبسوطه فينا وكنا نضحك من ورا شباك السيارة ..
كنا متجهين ع البحر ..

بس لقينآه زحمة مرة ..
فامي قالت خلينا نروح استرآحتنآ ..
وابوي قال طيب ..
واحنا راجعين من الخط السريع .. فجأة !!
اتصل صاحب خالي عليه وقاله إلحقني السيل وصلني وغطى علي ..
وكنا قلقانين عليه وخالي قال انا بروح له ..

وبعدين واحنا عند الجآمعه وقف علينا الخط ..
وجلسنا سآعتين ننتظر ...

ملينا من الانتظار وبس طالعنا على يسارنا لقينا خط الخدمات معدوم والسيل وصله وقدامنا شفنا الحدث ..
سيارات ورجال كبار وصغار مسحوبين بالسيل محد قادر يساعدهم لأنهم لو سحبوا واحد يمكن راح ينسحبون الكل ..
لأن السيل كان قوي وأقوى مما تتصورون ..
وقتها خفنا وابوي قال لا تخافون دامني معكم ..
بس ماتوقعنا اللي بيصير .. الموت لاجا مايعرف كبير ولآ صغير ..
كل شي تحول بتواني ..
وكل شي صار بلمحة بصر ..
السيل اللي كان بخط الخدمات وصل لعندنا بلحظة ..
وقتها ماعرفنا وش نسوي ..
ابوي يصيح انزلوا من السيارة ..
وشفنا الناس كلهم نازلين من السيارات ..
والكل يجري وربي وربي كأنه يوم قيامه ..
الناس بكل اجناسهم قدآمي يجرون ..
محد قادر يساعد احد ..
الكل قدامه الموت .. مافي يمه ارحميني ..
ناس تصرخ باعلى صوت .. بس محد سامعها غير الواحد الأحد ..
واحنا ناس منهم ..
نجري بكل قوتنا .. لين سور الجآمعه ..
شفتوا سور الجآمعه وشلون طويل ؟؟!!
بس على طوله قدرنا نطلعه ..
مدري والله كيف جاتنا قوة وطلعناه ..
اختي التآنيه قدآمي وبنات عمتي ثنتين منهم..
وبعدهم أختي وبعدها اخوي بدر ..
وطيف اختي عشان جسمهآ صغير قدروا الشباب يطلعوهآ بسرعه ..
فجيت انا بطلع ماقدرت من ذهول المنظر جاني تبلد ..
وثقل مو طبيعي ماقدرت اطلع ابوي الله يسعده شافني ابكي واصرخ يبي يساعدني بس ماقدر ..
فإثنين من الشباب ربي يستر عليهم طلعوني وساعدوني بالطلوع ..
فجلست ع السور ماقدرت انزل اطالع بأختي الكبيرة وخالتي بعد ماقدروا يطلعوا ..
كلهم يطلبوا مني المساعدة .. وانا متشتته بينهم واطالع بعيون امي وهي بدموعها تطالع فيني ..
منظر مو رآضي روح عن بآلي ..
قالت لي بصوتهآ الحزين وصيتي اخوانك انتبهي عليهم وخذي بالك منهم ..
فصرت اطالع بالعالم اللي حولي ماأدري وش اسوي او وش بيدي اساعدهم ناس صوتها بإذني تصرخ ..
وناس تموت قدامي .. سيآرآت بعوايلها تتقلب ويشيلهآ السيل متل الورقة ..
وشباب الغربيه والله ماقصروا اثبتوا وجودهم بصرآحه ..
سحبوا اختي الكبيرة وخالتي ونزلوني من على السور ..
وجلسنا نجري والناس تجري معانا والسيل على يسارنا اطالع فيه شايل ناس وسيارات وقمامات وسآخآت الله يكرمكم
وناس قدامي تطيح ماتقوم ..
وربي المسافه كانت طويله واحنا نجريها بس ذهول المنظر ماحسينا بالتعب لأن الكل معنا ..
وكان معي اخوي واختي الصغار ماسكتهم كان علي ثقل مو طبيعي ..
كان في سيل قدامي ابي اقطعه ماقدرت سحبني انا واخواني ..
ذقت الموت واصرخ باعلى صوت بس مين يسمعني واخواني الباقين يصرخون يبون يساعدوني وبعد مابيدهم شي ..
سحبنا السيل بأقوى قوته .. كأنه نهر يجري .. مسكت بشجرة بس الشجرة انسحبت معي وبوسط السيل ساعدوني شباب اخذو اخواني الصغار عني .. وقلت لهم خلوني اموت خلآص بس عليكم اخواني ..
فقال واحد منهم وحتى انتي ***** الله معهم وسحبني ..
وربي ماقدرت.. انسدحت من التعب ع التراب .
والناس باقي تجري ..
قلت خلاآص ماعاآد فيني حيييييييييل ..
خلوني اموت ..
جآني اخوي اللي كان مع امي وجلس يبكي يترجآني يبيني اقوم ..
واخواني الصغار معي يبكون .. قمت وانا ميته من التعب واجري ..
لين وصلنا سكن الجآمعه واحنا مهلوكين ..
البرد كان ذابحنا ابي ادفي اخواني الصغار ابي مكآن يحفظهم وآمآن ..
فكآن جبنآ شبآك ومن صوت الناس العالي انفتح الشبآك وسألتني وحدة وش فيكم ؟؟
قلت لها السيل غرقنا وغرق العآلم قالت وش جآيب هالعآلم عندنآ ؟؟ وانتم بيت مين ؟؟ وش ترجعون ؟؟
وآحد عصب عليها وقال ياحرمة هذا وقته افتحي لنا بيتك ودخلي الصغار قالت معليش !!

هنا احنا وقفنا طالعت وش هالناس اقولك سيل غرقنآ ونبي منك المساعدة تقولين معليش ؟؟..

ورحنآ لبيت تآني فتحوآ لنآ اسرة أجنبية ضيفونآ وجلسونآ عندهم .... بصرآحة الاجآنب ماقصروآ حافظوآ علينآ واهتموا فينآ كأننا من بلدهم ..

ابوي اتصل يبي يطمن علينا انا واخواني وقال لنآ إن امكم توفت ..


بسبب إهماآل الحكومه رآحت أغلى الناس ..
اللي كآنت بحياتي,,, صديقه واخت وام واب وكل شي ..

ونآس بعوآيلهآ راحت .. ونآس ضآعت ..


وناس للحين مفقودين جثث تحت التراآب تحللت ومحد قآدر يوصلها ..

وهذا كله شوية من اللي شفته وصآر لجدة وشعبهآ ..
ومآ خفيآ أعظم ...}

وعلى فكرة اللي شفنآهم احنا وقسم بالله يمكن فوق 2000 شخص متوفي .. هذا بس اللي احنا شفنآه .. غير الباقي ..
وغير اللي تحت التراآب ..


وكله كوم وبحيرة المسك بكوم ..
ادعوا لنآ بالرحمة ..

مافي تصريف للمياه وللامطار.....
مناطق عشوائية !!!!!
وادي قوس والصواعد وشارع جاك وقويزة والمخططات بصكوك شرعية كلها عشوائية وفي مجرى السيل
يعني جامعة الملك عبدالعزيز بكبرها عشوائية ×عشوائية




الدول الغربيه كل يوم فيها امطار ولا مره جات فيها سيول وفيها ضحايا بسبب المطر احنا بجده يوم واحد جأنا مطر ماتو اهلنا وسيل بكل حي والحين احتمال بحيره المسك تنفجر وجده تغرق بس ياليت الكل يسامحني محد يدري متى يومه ..

والهيلوكبتر تمر من فوقنا والله ماأنقذت ولا شخص واحد حتى الغرقانين فالحه تصور بس ومانشوف غير
الكاميرات بس لا غير وش انقذتو ؟
ليه ماتفصحون عن عدد الشهداء وليه ماتطلعون الحدث الحقيقي؟؟ !!
اذا كان مستشفى الملك عبدالعزيز يوجد به 63 جثة في ثلاجة الموتى في قسم الطوارى
والطب الشرعي به اكثر من 250 شهيد وهي تابعة لمستشفى الملك عبدالعزيز !!
اجل وش في المستشفيات التانيه ؟؟؟؟؟
وعدد المفقودين تجاوز حاجز الالف ليه التعتيم وليه ماتطلعون الحقيقه يا اعلامنا العزيز ؟؟
الاخبآر ماجآبت ولآ شافت اللي إحنآ شفنآه ..
حسبي الله على كل مسؤول من هنآ ليوم الدين ^_^



ياليت جده بين بيروت **وتشوف دعم السعوديه ..
الشعب جايع وشابع موت**ويقول ماهي نظاميه ..
حتى المساجد غدت تابوت**ولبنان بأمولنا حيه ..
شفت الاغاثه علب بسكوت**وحليب ومياه صحيه ..



حسبي الله ونعم الوكيل على كل مسؤول هامل ..

** بدون تصريف ميآه ذهبت ارواآح البشر ..

يآحظ منهو سكن لبنان
ولا الديآر اليهودية ..
ياخذ حقوقه بلآ نقصآن
ويعيش عيشة أفندية ..
ماهو كما حآلنآ يافلآن
واللي حدث بالسعودية ..
غرقت قويزة مع البستآن
وإعلآمنآ يقول ماسية ..
سيل انحدر والمغطى بآن
والعذر ماهي نظامية ..
رآحوا أهلنآ مع الأخوآن
أموآت في الدرب مرمية ..
يآ همللآي على العربآن
ماتو مثل موت أضحية ..
والبآقي اللي بقى يافلآن
رصو في طآبور جمعيه ..
بسكوت يعطونهم ولبآن
وحليب وميآه غآزية ..
تبكي جدة ألم وأحزآن
وقصيدة العيد مرثية..

منقول
__________________

اهئ .. مشكوؤوؤوؤرة .. ^^